ఈ పుట అచ్చుదిద్దబడ్డది
రేకు: 0063-1 ముఖారి సం: 05-187
పల్లవి:
పైపై దూరక పదరో యింతి
కోపాన బాసైనఁ గొనీఁ గాని
చ. 1:
పరివారపుఁ బడఁతులేఁటికే
దొరలనంటేరు తొలరో
సరసపు తమ జగడాల నిట్టే
పరుల దూరేరు పచ్చిగనే
చ. 2:
చక్కని విభుని సారెకుఁ జెలులు
వెక్కసాలాడక విడరో
దిక్కులకెల్లాను తెఱవఁ బాసి తాఁ
నొక్కఁడే విచ్చేయుటొచ్చెమని
చ. 3:
శ్రీ వేంకటేశుఁడు చెలువుఁ డొక్కఁడే
యేవంకకేఁగిన నేమౌను
భావించి యురముపనున్న కొమ్మదాఁ
నేవేవి గడించె నెఱుఁగరా
