ఈ పుట అచ్చుదిద్దబడ్డది
రేకు: 0062-1 ఆహిరి సం: 05-181
పల్లవి:
ఎంతవడి దాఁక నీ యెల యింపులు
నంతమై విభునికిటు చనవియ్యరాదా
చ. 1:
పొగరుఁగెమ్మోవి గిరుపుల నగవులాఁడి నీ-
పగడవాతెర దెరచి పలుకవమ్మా
బిగువుఁ బొలయలుక మురిపెముల నీ సొబగెల్ల
సగమాయఁ జలమింకఁ జాలించరాదా
చ. 2:
కలికి నునుమెఱుఁగుఁ బుల కల గుబ్బలాఁడి నీ-
సొలపుఁ గన్నులు దెరచి చూడవమ్మా
వలపు వసివాడ జవ్వనపు లేఁదీగతో
తలఁకేవు కోపంబు తలఁగించరాదా
చ. 3:
లావణ్యముల సొబగులాఁడి నీ ప్రియుఁడైన-
కోవిదునిపైఁ బ్రేమ గులుకవమ్మా
శ్రీ వేంకటేశ్వరుఁడు చెలఁగి నిను మన్నించె-
నీ వేఁడుకలనైన నిట్లుండరాదా
