ఈ పుట అచ్చుదిద్దబడ్డది
రేకు: 0061-1 కొండమలహరి సం: 05-175
పల్లవి:
భోగీంద్రశయనుని బోయతి దివ్య-
భోగాలు మరిగిన బోయతి
చ. 1:
పొదిగొన్న పెనుఁగొప్పు బోయతి మించుఁ-
బొదలిన గుబ్బల బోయతి
పొదలఁ బూవులు చూచి బోయతి యంప-
పొది సవి వెరచెనె బోయతి
చ. 2:
పొడల గందపుమేని బోయతి పచ్చి-
పొడికప్పురపు బూఁత బోయతి
పొడవైన హరిఁ జూచి బోయతి నేఁడు
పుడుకు వేఁదురుగొన్న బోయతి
చ. 3:
పొందైన రచనల బోయతి పతిఁ
బొందక పొందిన బోయతి
పొందులెరఁగని బోయతి రతిఁ
బొందె వేంకటపతి బోయతి