ఈ పుట అచ్చుదిద్దబడ్డది
రేకు: 0031-6 శంకరాభరణం సం: 05-174
పల్లవి:
వెక్కసమగుఁ గుచవిభవములు
జక్కవా పులుగుల జగడములే
చ. 1:
చింతచేత నిదె చెలియ నుదిటిపై
చెంతలఁ జెదరిన చిరునెరులు
కాంత కన్నులను గండుమీలకును
కంతుఁడు వేసిన గాలములే
చ. 2:
తమకంబునఁ గాంతకుఁ గరమూలపు-
చెమటల తావుల చెలువములు
మమతలఁ బెంచిన మరుని కొంతముల-
జమళితీఁగెలకు జలకములే
చ. 3:
తెఱమోవిపై తిరువేంకటపతి
గుఱుతులు సేసిన కురుఁబసలు
ఒఱగి వివశతల నుండఁగ సురతపు
మఱపులు దెలిపిన మర్మములే