ఈ పుట అచ్చుదిద్దబడ్డది
రేకు: 0031-5 కాంబోది సం: 05-173
పల్లవి:
ఉండఁబాసీ నడవిలో వొకతె నేను
ఎండలు నీడలు గాసీ నేమి సేతురా
చ. 1:
చిన్నినానడుము చూచి సింహము దగ్గరెనంటా
ఉన్నతపుఁ గుచముల కొరసెఁ గరి
మున్నిటి పొందులు వైరమును జేసె మృగపతి
యిన్నిటికి నగ్గమైతి నేమి సేతురా
చ. 2:
నిండు నా నడపు చూచి నెమలి దగ్గరి వచ్చె
బండు నేసి నారుసూచి పాయదు పాము
రెండుఁ జూచి పగయుఁ గూరిమి దోఁచె నింతలోనే
యిండె వట్టె నిన్నిటికి నేమి సేతురా
చ. 3:
కోరి నాపలుకు విని కోవిల దగ్గర వచ్చె
చేరీ నామోవికిదె చిలుక నేఁడు
గారవాన నిన్నియు వేంకటగిరి విభుఁడా
యేరా యిట్టె చేకొంటివేమి సేతురా