ఈ పుట అచ్చుదిద్దబడ్డది
రేకు: 0030-4 పాడి సం: 05-170
పల్లవి:
చింతల చిగురులె చిచ్చులట
యింతటిలోనిఁక నేలాగే
చ. 1:
చక్కని మన్మథ సంవత్సరంబున
చుక్కలరాజే సూరియుఁడై
యెక్కువరాత్రుల యెండగాయునట
యెక్కడిదిఁక బ్రదుకేలాగే
చ. 2:
కాంతల నడుములఁ గఱవయ్యెడినట
అంతట జవ్వనపామనిని
వింత మీన సని వెలఁదులకన్నుల -
నెంత గనమౌనొ యేలాగే
చ. 3:
కంకుమగుబ్బల కుంభరాశికిని
వంకల చంద్రుఁడు వచ్చెనట
వేంకటరమణుఁడు వెలఁదిఁ గూడెనట
యింక నీ తమక మేలాగే
