ఈ పుట అచ్చుదిద్దబడ్డది
రేకు: 0030-3 సామంతం సం: 05-169
పల్లవి:
తలనొక్కమాటాడఁ దలకెక్కె వలపు దీని-
తలఁపు రేఁచక మీరు తలరమ్మా
చ. 1:
చిత్తజు నమ్ములు దాఁకి జీర వారినందుకు పూ-
వత్తులు వేయక కాని వాడదమ్మా
బత్తిగల వారిందరు పచ్చకప్పురము మేన
మెత్తకకాని మానదు మెత్తరమ్మా
చ. 2:
కంటిచూపు కాయజుని వింటిబాణములు దాఁకి
గంటిలేని పోటులాయఁ గదరమ్మా
అంట ముట్టరాని తాప మగ్గలమైనది ముల్లు
ముంటఁగాని పోదు మేను మూయరమ్మా
చ. 3:
అప్పుడింత సొబగు లేదతివమొగమునందు
చొప్పులెల్ల బాగులాయ చూడరమ్మా
అప్పుడు శేషాద్రిరాయఁడంగన గలిసెఁ గాన
యెప్పుడూఁ బాయని చనవిచ్చె నమ్మా