ఈ పుట అచ్చుదిద్దబడ్డది
రేకు: 0030-5 పాడి సం: 05-171
పల్లవి:
మారుకు మారు సేయ మఱచి నీ వంతలోనె
నేరములెంచుకొనేవు నేఁటిలోనే తప్పెనా
చ. 1:
చొక్కపు నీ గుబ్బలపై జూజపు నేఁతలవలె
చిక్కులు జీరలువారఁ జించెనాతఁడు
తెక్కుల నీ వూరకుండి తెలిగన్నుల నీళ్ళు
గుక్కేవు నీ చేతులేమి కూరగోయఁ బోయెనా
చ. 2:
ముసిముసి నగవుల మోవిమీఁది కెంపులవి
కసిగాటు సేఁతలనే కప్పె నతఁడు
అసురుసురై నీవు అతనిఁజేయఁగలేక
వుసురనేవప్పుడేమి వూరలేక వుంటివా
చ. 3:
కూరిమి నీ కౌఁగిటిలోఁ గూడి నీ చిత్తమనెడి
వూరిలోనఁ గాఁపురమైవుండె నాతఁడు
వేరులేని మహిమల వెంకటేశుఁడతనిమై
చూరగొంటి వప్పుడేమి జోడువెట్టుకుండెనా