ఈ పుట అచ్చుదిద్దబడ్డది
రేకు: 0029-1 సామంతం సం: 05-162
పల్లవి:
ఎన్ని సేఁతలై నఁ జేయునిపుడు యీతఁడు
కన్నెవయసువారినెల్ల గాఁకదేర్చె నీతఁడు
చ. 1:
గుబ్బచన్నుదోయి మెఱుఁగుఁ గులుకరించి చెలఁగి నడచు
గబ్బుతావిరమణి చల్లకడవతోడను
సిబ్బమైన చెక్కులందు చిన్నిచెమటగారఁ జెనకి
గబ్బిసేఁతలెల్లఁ జేసె కళలుగరఁగ నీతఁడు
చ. 2:
వాలుఁగన్నుదోయి మెఱుఁగు వల్లెవేసివేసి రతికి
కాలుదవ్వురమణి చల్లకడవతోడను
కేలుదమ్మి కంకణాలు గిలుకరించి చెలఁగి నడచు
కీలుగొప్పు సడిలి జారఁ గిందుపరిచె నీతఁడు
చ. 3:
కొదలుదేరు కోవిలెలుఁగు కుత్తికందు సాళగించి
కదలుమోవిరమణి చల్లకడవతోడను
ఎదురమెరయు వేంకటేశుఁడింతి ప్రేమదీరఁ జెనకి
కదిసి మదనకదనమందు కలికిఁజేసె నీతఁడు
