ఈ పుట అచ్చుదిద్దబడ్డది
రేకు: 0028-4 ఆహిరి సం: 05-159
పల్లవి:
వేడుక నెవ్వతెరా విడుపక నిన్నంటి
వాడుదేరే వలపుల వన్నెలు వెట్టనది
చ. 1:
గద్దరి యెవ్వతెరా నీ గారవంపు చెక్కున
నిద్దంపు చంద్రరేఖ నిలిపినది
అద్దిరా దానిగయ్యాళితనమెట్టిదో
ముద్దుఁదనమోహము నీ మోహమున రాచినది
చ. 2:
దిట్టైన యది యెవ్వతెర నీ యధరమందు
కొట్టఁగొన మరుచిలుకులొత్తినది
గట్టిగఁ జూడర దానిగబ్బితనమెట్టిదో తన-
గుట్టెల్ల నీకు నాకున వ్రాసెంపినది
చ. 3:
చక్కనిదెవ్వతెర నీ సరిలేని మేనఁ దన-
మిక్కుటంపు మేనితావి మేళవించినది
అక్కరగాఁ దిరువేంకటాధీశ కూడితివి
మక్కువతో నీకు పరిమళములంపినది
