ఈ పుట అచ్చుదిద్దబడ్డది
రేకు: 0028-3 కన్నడగౌళ సం: 05-158
పల్లవి:
వంచన ప్రియములవారే కాక
నించిన కన్నీటి నేనేల నీకు
చ. 1:
గిలుకు మట్టెలతోడ కిందిచూపులతోడ
సెలవి నవ్వులు నీ పైఁ జిందఁగాను
వలతువుగాక యెవ్వతి కైనఁ జిత్తము
నిలుపఁగనోపని నేనేల నీకు
చ. 2:
గోడచాట్లతోడ కోనచీఁకటితోడ
వాడల నెలయించువారేకాక
వాడుచు లేమావి వడచల్ల వెడమాయ-
నీడలనెండే నేనేల నీకు
చ. 3:
జగడంబులతోడ సణగు సొలపుతోడ
వగ నిన్ను భ్రమయించువారె కాక
దిగులులేక నిన్ను తిరువేంకటేశుఁడ
నెగులెఱుఁగక కూడు నేనేల నీకు