ఈ పుట అచ్చుదిద్దబడ్డది
రేకు: 0025-5 ఆహిరి సం: 05-142
పల్లవి:
కామించి నీవరుగఁ గలయు నాయకుఁడు నేఁ-
డేమి భాగ్యము సేసెనే తరుణి
చ. 1:
కాఁగిన గుబ్బలమీఁద కమ్మఁజెమటలఁ దొప్పఁ-
దోఁగిన పయ్యెదకొంగు దూలఁగను
వేఁగైన కొప్పున క్రొవ్విరులు దురిమి విఱ్ఱ-
వీఁగుచు నీవెటు వొయ్యెవే తరుణిం
చ. 2:
ఒప్పైన శిరసుమీఁదఁ గుప్పళించిన జవ్వాది
చిప్పిలి చెక్కులవెంటఁ జిందఁగను
అప్పళించిన కస్తూరిలప్పలు రాలఁగ నీ-
విప్పుడెక్కడికి నేఁగేవే వోతరుణి
చ. 3:
వీడినది మొలనూలు విరులు చెదరెఁ గొంత
వాడినది కెమ్మోని వన్నెలై
యీడులేని తిరువేంకటేశుఁడిదె నిన్నుఁ గూడె
యీడఁ గొత్తలివి యేఁటివే వోతరుణి
