ఈ పుట అచ్చుదిద్దబడ్డది
రేకు: 0025-3 నాట సం: 05-140
పల్లవి:
చిత్తము నిజమైనఁ జేరు నేపనులైన
బత్తి సౌఖ్యమునకుఁ బ్రాణము
చ. 1:
కన్నుల కలికికిఁ గలిగెఁబో కడ-
కన్నులమీఁది బింకపు నవ్వు
చిన్నిచెక్కులమీఁది చెమటలు -మేన-
నన్నువ మురిపెపుటలపులు
చ. 2:
తోయజగంధికి దొరకెఁబో మన -
మాయ నియతితోడి మఱపులు
సోయగమగు మోము సొబగులు- కడు-
రాయిడి చనుదోయి రచనలు
చ. 3:
లావణ్యమతి మీఁద లాసెఁబో
శ్రీ వేంకటేశుని చెలుములు
తావి చల్లెడి కమ్మఁదనములు - పాసి-
పోవని విభుతోడి పొందులు