ఈ పుట అచ్చుదిద్దబడ్డది
రేకు: 0025-2 మలహరి సం: 05-139
పల్లవి:
ఎందరి దూరుదమిందరుఁ గూడుక
సందడివలుపులఁ జంపేరే
చ. 1:
కంటఁ బుట్టినవాఁడు కమలముఖులకడ-
కంటఁ బుట్టినవాఁడు గవగూడి
జంట వాసినఁ జంపుదుమని లేని-
వెంటలు గడియించి వేఁచేరే
చ. 2:
ఏఁటఁ బుట్టెడివాఁడు నేడు దెరువులై
వూఁటాడెడివాఁడు నొనగూడి
మాఁటమాఁటాకు మాయపు మనసులు
తీఁటలు రేఁచుక తిరిగేరే
చ. 3:
కొండలరాయఁడు కోనేటి తిమ్మయ్య
వుండినచోట నేనుండఁగా
పండిన మోహము బాధలఁ జిత్తము
మెండైన వేడుక మెచ్చీనే