ఈ పుట అచ్చుదిద్దబడ్డది
రేకు: 0024-6 మాళవి సం: 05-137
పల్లవి:
ఏమిసేయఁగనగు నెట్టువలసిననౌ
కాముకుల పూర్వసంకల్పమో కాక
చ. 1:
కమలోచనహృదయకమలంబె మరుచేతి-
కమలమై తనమనసు గాఁడి పారినది
గములైన యాపదలు గదిరినప్పుడు దమ్ము
తమచేతియమ్ములే తాఁకునో కాక
చ. 2:
లోలలోచన మేనిలోని యనలము లోని-
గాలి గూడక చిచ్చు గాలివలెనాయ
తాలిమెడతెగి రతులు దప్పినప్పుడు లోని-
తాలిమే తమకములతాపలో కాక
చ. 3:
శ్రీ వేంకటేశ్వరుఁడు చెలియఁ గరుణించినను
కైవశంబయిఁ యవియ కడునితవులాయ
దైవకృప గలిగినను తమకు నాపదలెల్ల
భావింప నిత్యవైభములో కాక
