ఈ పుట అచ్చుదిద్దబడ్డది
రేకు: 0023-6 సామంతం సం: 05-131
పల్లవి:
చింతాపరంపరలు చిత్తంబునకుఁ దొడవు
ఇంతి సౌభాగ్యంబులిన్నిటికిఁ దొడవు
చ. 1:
కలికి నెమ్మోమునకుఁ గబరీభరము తొడవు
తళుకుఁజూపులు చక్కఁదనమునకుఁ దొడవు
ఎలమిచెక్కుల మించులిరువంకలకుఁ దొడవు
మొలకనగవులు సొబగు మురిపెముల తొడవు
చ. 2:
కరమూలరుచులు బంగారంబునకుఁ దొడవు
గురిగాని కౌఁదీగె గుబ్బలకుఁ దొడవు
సిరిదొలఁకు జఘనంబు చిన్నినడపుల తొడవు
నిరతంపుఁ బాదములు నిలువునకుఁ దొడవు
చ. 3:
శ్రీవేంకటేశుకృప చెలియ కెప్పుడుఁ దొడవు
భావసంగతులకునుఁ బరవశమె తొడవు
ఈ వెలఁది నునుఁబలుకులించువిలుతుని తొడవు
లావణ్యములకు నీలలన దాఁ దొడవు