ఈ పుట అచ్చుదిద్దబడ్డది
రేకు: 0023-5 ఆహిరి సం: 05-130
పల్లవి:
లలితలావణ్య విలాసముతోడ
నెలంత ధన్యత గలిగె నేఁటితోడ
చ. 1:
కుప్పలుగా మైనసలుకొన్న కస్తూరితోడ
తొప్పఁదోగేటి చెమటతోడ
అప్పుడటు శశిరేఖలైన చనుఁగనతోడ
దప్పిదేరేటి మోముఁదమ్మితోడ
చ. 2:
కులుకుఁ గబరీభరము కుంతలంబులతోడ
తొలఁగఁ దోయని ప్రేమతోడ
మొలకనవ్వులు దొలఁకు ముద్దుఁజూపులతోడ
పులకలు పొడవైన పొలుపుతోడ
చ. 3:
తిరువేంకటాచలాధిపుని మన్ననతోడ
సరిలేని దివ్యవాసనలతోడ
పరికించరాని అరవిరిభావముతోడ
సిరి దొలఁకెడి చిన్నిసిగ్గుతోడ
