ఈ పుట అచ్చుదిద్దబడ్డది
రేకు: 0023-4 పాడి సం: 05-129
పల్లవి:
ఒఱపో మెఱుపో వొయ్యారమో నీకు
వెఱతుమయ్య గోవిందుఁడా
చ. 1:
కపటమో నిజమో కరుణ కోపమో
వుపచారవమో వుపతాపమో
నిపుణత తనపై నెయ్యమే సేసేవు
విపరీతము గోవిందుఁడా
చ. 2:
ననుపో నగవో నయమో ప్రియమో
చనవో చలమో సరసమో
కనుకూరిమియో గయ్యాళితనమొ
వెనుతగిలేవు గోవిందుఁడా
చ. 3:
మంకో మరులో మదమో ముదమో
జంకో లంకో జగడమో
శంకలేక నను సరుగనఁ గూడితి
వేంకటగిరి గోవిందుఁడా
