ఈ పుట అచ్చుదిద్దబడ్డది
రేకు: 0003-1 శ్రీరాగం సం: 05-012
పల్లవి:
మగువ వూర్పులనైన మనుఁగా చలిగాలి
నిగుడుఁగా జగమెల్ల నిండఁ దనరూపు
చ. 1:
అతివవదనము వాడ నలరి చందురుఁడైన
బ్రతుకుఁగా వొకకొంత బయలుమెరసి
సతి యెలుఁగు రాయ విరసపు బికావళియైన
తతిఁ జెలఁగుఁగా నేడు తమకెదురు లేక
చ. 2:
తెఱవ వేనలి చెదర తేఁటి మొత్తములైన
మెఱయుఁగా వొకకొంత మేలుగలిగి
ఒఱగి యలసతతోడ నువిద కనుమోడ్పుగా
నెఱిఁ గలువలలరుఁగా నేఁటిమాపైన
చ. 3:
తరుణి దేహము నాటి దర్పకుని శరమైన
పరిమళము నిండుగా బహువిధమున
కరిగమననిపుడు వేంకటవిభుఁడు కౌగిటను
కరుణించ లతలైనఁ గాంచుఁగా తెలివి