ఈ పుట అచ్చుదిద్దబడ్డది
రేకు: 0023-1 శ్రీరాగం సం: 05-126
పల్లవి:
కలకి కాఁతాళమలు కారింపులా
లలితంపు వలపులకు లంచములు గాక
చ. 1:
కిసరు కనుఁగొనల జంకెనలు విరసంబులా
రసములొలికెడి మనోరతులు గాక
కొసరు గుంపెనల సిగ్గుల విళంబంబులా
దుసికిలని మోహముల దొంతరలు గాక
చ. 2:
అబ్బురములైన పొలయలుక లోలంబులా
గబ్బుఁ దమకముల మీఁగడలు గాక
గబ్బిమాటలు సాళంగంబులవి యేతులా
గుబ్బతిలు మోహముల కుంటెనలు గాక
చ. 3:
కొనబు కొనగోళ్ళ తాఁకులవి మే నొప్పులా
ననుపులకు నుబ్బుఁగవణములు గాక
వనితకీవేంకటేశ్వరు సిరులు మరపులా
మనసు మర్మముల తన్మయములవి గాక
