ఈ పుట అచ్చుదిద్దబడ్డది
రేకు: 0022-5 ఆహిరి సం: 05-124
పల్లవి:
కెరలి బయట దాఁగీ వీఁడు తన-
వొరపులు చూపుచు నొరగీ వీఁడు
చ. 1:
కొమ్మ చూడవే కొలిమిగూటిలో-
నమ్మెడి సూదులె యదె వీఁడు
ఎమ్మెలు నెరపుచు నెక్కడఁ దిరిగో
నమ్మికబొంకుల నను సొలసీని
చ. 2:
నాఁతిరో చూడవే నవ్వుచు మీలకు-
నీఁతలు గరపీనిదె వీఁడు
కాఁతాళంబునఁ గనలెడి నాపై
చేఁతలు సేసిఁ జెలఁగుచుఁ దాను
చ. 3:
అల్లనె చూడవె అడవిమృగములకుఁ
బల్లము వేసీఁ బైవీఁడు
వొల్లని ననునిదె వుల్లమి చేకొనెఁ
గల్లరి తిరువేంకటపతి వీఁడు