ఈ పుట అచ్చుదిద్దబడ్డది
రేకు: 0022-2 కాంబోది సం: 05-121
పల్లవి:
చెంపల యేరు ముండ్ల చెంచువారము నీకు-
నింపుగాని మా పొందులేలయ్యా
చ. 1:
కమ్మనిమామయి పూఁత గదరుఁబిల్లుల గబ్బు
యెమ్మెల మాపట్టుచీర యేపెనార
సొమ్ములుఁ బెంచపుకన్నుఁ జూపులయమ్ములనె
వొమ్మదు నీ పొందు నాకు నొల్లమయ్యా
చ. 2:
కొప్పుగేదఁగులు మాకు కొన నమలీకలు
గొపముత్యాలివి మాకు గురిగింజలు
కప్పురంబు మాకేటి గడ్డల తెల్లని మన్ను
వొప్పదు మాకేల యిచ్చేవొల్లము నేమయ్యా
చ. 3:
కుంకుమ మా కిపుడు జేగురుఁదొడి నుదుటికి
బింకపుఁ దిట్లె మా ప్రియములు
కంకిగాఁగ నెలయించి కౌఁగిటఁ గూడితి నన్ను
వేంకటవిభుండ యిఁక వీడవయ్యా