ఈ పుట అచ్చుదిద్దబడ్డది
రేకు: 0022-1 పళపంజరం సం: 05-120
పల్లవి:
ఏమిటికిఁ జింత యిదె నీకు
ప్రేమపుఁ బెండ్లి బెరసెఁగా నీకు
చ. 1:
కలికి నీ చూపుల కలువదండలు దెచ్చి
తలఁకకాతనిమెడఁ దగులవేసి
మొలక నగవుల నీ ముత్యపుసేసలు చల్లి
తొలఁగని పెండ్లి దొరకెఁగా నీకు
చ. 2:
చనపుఁ గూరిముల కొసరులను గరమిడి
ఘనమైన కాఁకలఁ గాలుదొక్కి
పనివడి వెన్నెల పాలకూడు గుడిచి
తనివోని పెండ్లి దగిలెఁగా నీకు
చ. 3:
తరుణి నీ హృదయపుఁ దమ్మిపరపుతోడ-
నిరవైన సిరులతో నిల్లు నించి
తిరువేంకటగిరి దేవునితోఁగూడి
సరసపు బెండ్లి జరగెఁగా నీకు
