ఈ పుట అచ్చుదిద్దబడ్డది
రేకు: 0021-6 ముఖారి సం: 05-119
పల్లవి:
ఏలే దగ్గర నియ్యవిట్టె నన్ను
తూలపుచ్చి మరుబారిఁదోయ దొరకొంటివి
చ. 1:
కాలు దాఁకీ మొక్కేమయ్యా గబ్బిననేవు గనక
యేల దగ్గర విచ్చేసేవిట్టె నన్ను
వాలుఁగన్నుల రెప్పలు వంచి వంచి మొక్కేవు
చాలదటే నన్ను నిట్టి చంపనెత్తుకొంటివి
చ. 2:
తమ్మరసము వడీని తలవయ్య నీ మీఁద
యెమ్మెలకడ్డము వచ్చేవు యేఁటికే నీవు
వమ్ముదొలి మాటలనె వాఁడివసులనె నన్ను
కుమ్ముచుఁ బ్రాణమునిట్టె కొనదొరకొంటివి
చ. 3:
గుబ్బలచెమట దాఁకీఁ గోపగించేవు గనక
ఆబ్బురంపుఁ దిరువేంకటాధీశుఁడా
జొబ్బిలు నా చెమటల సోనల నించక యట్టే
జొబ్బలుగా నామేనెల్లాఁ బొక్కించ దొరకొంటివి