ఈ పుట అచ్చుదిద్దబడ్డది
రేకు: 0020-6 నాదరామక్రియ సం: 05-113
పల్లవి:
ఏమి సేయుదునమ్మ యిన్నియును నిటుగూడె
తామసపుఁ బ్రేమ వేదనఁ బాయనీదు
చ. 1:
కినిసి నే పొలసి పలికెద నంటినా యతని-
నెనయుదఁడఁబాటు నోరెత్తనీదు
చెనకి యలపార జూచెద నంటినా యతని-
కనుఁగవ జలంబు సరుగనఁ జూడనీదు
చ. 2:
కిందుపడి కదిసి మ్రొక్కెద నంటినా యతని-
యంది పరవశము చేయాడ నీదు
డెందంబు మఱచి యుండెద నంటినా యతనిఁ
జెందిన తలఁపు మఱచియు మఱవనీదు
చ. 3:
తిరువేంకటేశుఁ బొందితినంటినా యతని-
దొరతనము నాగరిమ దోఁచనీదు
సిరిదొలఁకు రతుల నలసితి నంటినా యతని-
సరసంబు వేడుకలఁ జాలించనీదు