ఈ పుట అచ్చుదిద్దబడ్డది
రేకు: 0020-1 శంకరాభరణం సం: 05-108
పల్లవి:
పోదిగా నేఁడతనికే పొలిఁతి మానము గావ
సేదదేరఁ జెమటలు చిలికించెఁ జూడరే
చ. 1:
కుంతలపు నెరుల చిక్కుల చీఁకటులఁ జిక్కె
యింతలోనే ముఖచంద్రుఁడింతికి నేఁడు
చెంత వాయఁ బతివచ్చి జిగిచన్నుఁగొండలపై
వింత చందురుల దండు విడియించెఁ జూడరే
చ. 2:
ఈతల నిట్టూరుపుల యెండమావులనె వాడె
లేఁతమోవి చిగురు యీ లేమకు నేఁడు
పూఁతగాఁ దెచ్చి చెలియ పులకలవెల్లి నించె
మేఁతలాడి రమణుఁడీ మెలుఁతమైఁ జూడరే
చ. 3:
పుట్టుబోగి సిగ్గుల చూపుల పూవుఁదీగెలపై
పిట్టపిడుగాయ సతిప్రేమము నేఁడు
గట్టిగ వేంకటపతి కౌఁగిటనలమి కొమ్మ
దిట్టఁజేసి భయమెల్ల దిగఁదోసెఁ జూడరే