ఈ పుట అచ్చుదిద్దబడ్డది
రేకు: 0018-5 పాడి సం: 05-106
పల్లవి:
అప్పటిని చెక్కు నొక్కే వందుకా యిది
యెప్పుడో కూడితిరి మీరిందుకా యిది
చ. 1:
కుందనపు బొమ్మవలెఁ గోపగించుకొని రాఁగా-
నందలానఁ బెట్టుకొంటివందుకా యిది
జందెపు ముత్తెపుఁ బేరు సందులదండల నిట్టే
యిందమంటానింతికిచ్చితిందుకా యిది
చ. 2:
దీకొని కోమలి నిన్నుఁ దిట్టుచు దగ్గరి రాఁగా
ఆకు మడిచియ్యఁ జూచేవందుకా యిది
మీకు మీకే మందటాడి మీరు మీరేమీలోన
యేకమై కూడితిరి మీరిందుకా యిది
చ. 3:
ముద్దులమోముల మీ మీ మోవులపై చేఁతలెల్ల
నద్దములోపలఁ జూచేరందుకా యిది
తిద్దుకొంటిరి రతులు తిరువేంకటేశ మీ-
యిద్దరికి నింపులాయ నిందుకా యిది
