ఈ పుట అచ్చుదిద్దబడ్డది
రేకు: 0018-1 మంగళకౌశిక సం: 05-102
పల్లవి:
నేనేలెవ్వరునేల నీకింక లో-
లోనె వలపు లోఁచీఁ బోవయ్యా
చ. 1:
కలువరేకులు నీకుఁ గానుక యిచ్చినదట
చెలఁగి నీవెందో విచ్చేయఁగాను
అలమి కన్నులనె నీ వందుకొంటివని యాకె
పిలిచీనంటాఁ బిలిచేరు పోవయ్యా
చ. 2:
చిగురుఁదేనెలు నీఫై చిలకించినదట
నగవు నీ వెందో నగఁగాను
జిగిగా నీ వపుడే చేకొంటివంటా నాపె
నొగిలీనంటా నొగిలేరు పోవయ్యా
చ. 3:
మోవిపండు నీకు మోవినిచ్చినదఁట
మావికింద నీవు మలయఁగాను
శ్రీవేంకటేశ యిచ్చితివి కౌఁగిలి నాకు
నీ వెందు వలచినా నేనే పోవయ్యా