ఈ పుట అచ్చుదిద్దబడ్డది
రేకు: 0213-3 నాదరామక్రియ సంపుటం: 08-075
పల్లవి:
మీరే యెరఁగరా యిన్ని మేటిజాణలు
మారుమోములిఁకనేల మాటాడరాదా
చ. 1:
సతమైన కూరిమికి సాదించనేల
హితవైన వినయాలే యింపులుగాక
కుతిలంబులేని మతి కొరనేల
రతికెక్కె చనవు మెరయుటగాక
చ. 2:
ఆసపడ్డ చూపులకు నడ్డాఁకలేల
వేసటలేక నవ్వుటే వేడుకగాక
సేసవాలవావులకు సిబ్బితియేల
మోసపోని కూటములే ముచ్చటలుగాక
చ. 3:
ఆయాలు సోఁకిన పనికచ్చికమేలా
చాయలు సన్నలునే చవులుగాక
యీయెడ శ్రీవేంకటేశ యింతీనీవూఁ గూడితిరి
రేయిఁబగలివే పెరరేఁపులు గాక
