ఈ పుట అచ్చుదిద్దబడ్డది
రేకు: 0209-2 మంగళకౌశిక సంపుటం: 08-050
పల్లవి:
కరుణదెచ్చుక యింతిఁ కాతువు గాక
దొరతనము చూపితే దూరఁగనేమున్నది
చ. 1:
నిండుకొన్న విరహాన నిన్నటనుండిఁ జెలి
యెండనుండఁగా నాడించే వెడమాటలు
వండవండనట్లాయ వలచినవలపెల్ల
గుండె రాయిసేకొంటేఁ గొరనేమున్నది
చ. 2:
పట్టరాని తమకాన పానుపుపై నుండి చెలి
వెట్టనుండఁగా జల్లేవు వెడనవ్వులు
పటఁ బట్టఁ బాములాయ పంతపుఁ గోరికెలెల్ల
పట్టినదే చలమైతే పలుకనేమున్నది
చ. 3:
కన్నుదనియక నిన్నుఁ గాఁగిలించుకుండి చెలి
చన్నులనొత్తఁగ నీవు సారె లోఁగేవు
పన్నఁబన్న పందిలాయ బయలు శ్రీవేంకటేశ
నిన్నునాపెఁ జూచుకొంటే నేరములేమున్నవి