ఈ పుట అచ్చుదిద్దబడ్డది
రేకు: 0209-3 లలిత సంపుటం: 08-051
పల్లవి:
ఆరంగఁ జూడరే అదె కృష్ణమహిమలు
కూరిమి మించిన గోపికలు
చ. 1:
కొట్టేటివుట్లు కోలలగుంపులు
గుట్టులఁ బొంచెడి గోపాలులు
అట్టులుఁ బండ్లు నట్టె చక్కిలాలు
చుట్టుల నెక్కడ చూచినను
చ. 2:
యేఁగేటి వీధులు యిండ్లిండ్ల వాకిళ్ల
వాఁగే పంచమహావాద్యములు
దాఁగిలి ముచ్చిమిఁ ద్రావేటి పాలును
చేఁగదేరీనెందు చేయిచాఁచినా
చ. 3:
కారేటి జున్నులు గడ్డపెరుగులు
వారలువట్టేటి వైపులును
యీరీతి శ్రీవేంకటేశుని సన్నిది
ఆరితేరె నెంద నరసినను
