ఈ పుట అచ్చుదిద్దబడ్డది
రేకు: 0205-4 మధ్యమావతి సంపుటం: 08-028
పల్లవి:
ఏది నాకు బుద్ది యిఁకనేమి సేతును
యీదె నీకృప నాపై యిరవైవున్నది
చ. 1:
మందలించి నీతో నేను మాటలాడేనంటేను
యెందునో పరాకు నీకు నేమిసేతును
విందువెట్టి మోవితేనె వెసనీకిచ్చేనంటే
చిందరై నీయధరము చీకాకై వున్నది
చ. 2:
నవ్వు నవ్వి నీతోను నటనలు నేనేనంటే
యెవ్వలనో జూడమాడేవేమిసేతును
పువ్వువలె నీమేను పొదిగి భోగించేనంటే
చివ్వనఁ బెంజెమటల చిత్తడి మైనున్నది
చ. 3:
పరపుపై నిన్నునేను పచ్చిగాఁ జేసేనంటే
యిరవుగా వేడుకొనేవేమిసేతును
గరిమె శ్రీవేంకటేశ కలసితివిటు నన్ను
నిరతపు నీమోహము నిజము నాకైనది
