ఈ పుట అచ్చుదిద్దబడ్డది
రేకు: 0247-2 మధ్యమావతి సంపుటం: 08-278
పల్లవి:
దానికేమి యిప్పుడేమి తప్పిపోయీనా
వూని యెదురుకట్లనె వున్నాఁడుగా
చ. 1:
అలసిన రతివేళ ఆడినట్టి యీమాటలు
తలఁచుకొమ్మనమో తనుఁ దానె
పిలిపించి నాతోఁ దాను పెనఁగిన పెనఁగులు
తెలిపే లేవె యింకా తెరమరఁగుననె
చ. 2:
చిడుముడి మంచముపై చెనకిన చెనకులు
తడవి చూచుకొమ్మనవె తన మేననె
వుడివోక తారుమారై వునిచిన వుంగరాలు
తడఁబడీ వేళ్లను తానెరఁగఁడా
చ. 3:
కొత్తగా నాకాఁగిటిలో కూడినట్టి కూటములు
యెత్తి యిమ్మనవె యీవేళనె
హత్తెను శ్రీ వెంకటేశుఁ డట్టె తానన్ను
తత్తరపు దమకము తనివి నొందీనా