ఈ పుట అచ్చుదిద్దబడ్డది
రేకు: 0205-2 వరాళి సంపుటం: 08-026
పల్లవి:
రండూ నేరుతువే రమణి నీవు
వెండిపైఁడి వుంగరాలు వేలనే పెట్టితివే
చ. 1:
అంగములు గరఁగఁగా నాతనితో మాటలాడి
యెంగిలినవ్వులు చిందేవేమే నీవు
వెంగెముల లోపలనే విరహపుటెండ గాసె
చెంగట వెన్నెల గొంత సెలవిఁ జూచితివే
చ. 2:
కనుఁగవ చూపులను కాంతునిఁ దప్పక చూచి
కొనగోరితాఁకులను గొసరేవే
తనివోక తొలుతను తామెరవిరుల వేసి
వెనకఁ జందురులను వెంటనంపితివే
చ. 3:
గక్కన శ్రీవేంకటేశుఁ గాఁగిటను లాలించి
వొక్కమాటే చన్నులను వొత్తేవిపుడు
తెక్కులను నడురేయి తీగెల గూండ్లువెట్టి
జక్కవ పులుగులను సారెఁ గూడించేది
