ఈ పుట అచ్చుదిద్దబడ్డది
రేకు: 0204-6 బౌళి సంపుటం: 08-024
పల్లవి:
ఇద్దరుఁ దెలుసుకోరే యిన్నిటా జాణలు మీరు
పొద్దునఁ దెర వేసేము పొలఁతుల మిపుడు
చ. 1:
మొలచెనది గదవే మోవినే చిరునగవు
తలఁచిన పని యేదో తరుణి నీవు
చెలువుఁడంతటిలోనె సిగ్గువడీ నీయెదుట
యెలమిఁ దెలియవు మాకిటమీఁది పనులు
చ. 2:
చెమరించెనదిగదే చెలియ నీమేనెల్ల
తమకించిన పనేదొ తగిలి నీవు
జమళినాతఁడందుకు సన్నల మెచ్చెఁ గన్నుల
సమములై తోఁచీ మాకుసంతోసపుఁబనులు
చ. 3:
పొడమెనదిగదవే పులకలు నీమేన
జడిగొన్న నీలోనిసంతోసమెంతో
అడరి శ్రీవేంకటేశుఁడలమె నిన్నంతలోనే
వుడివోనివాయ మాకు వుద్యోగపుఁబనులు