ఈ పుట అచ్చుదిద్దబడ్డది
రేకు: 0239-2 భైరవి సంపుటం: 08-230
పల్లవి:
ఊరకే గడించుకొనీ వొక్కటొక్కటే తాను
మారుకొంటినంటాఁ దానే మతకానఁ జూచీనే
చ. 1:
తనివిదీరక వెనుతగిలితే నాయకుఁడు
యెనసి నే నమ్మనంటా నెగ్గుపట్టీనే
చనవు చేసుక మరి సరిఁ గొంగువట్టితేను
పెనఁగి పోనియ్యనంటా పెక్కులాడీనే
చ. 2:
చుట్టముఁజేసుక తన్ను సుద్దులెల్లా నడిగితే
పెట్టుకుండె నెపాలంటా బీరాలెంచీనే
వొట్టిన యాసలతోడ వొళ్ళు గాఁగిలించుకొంటే
అట్టె బలిమి సేసితినంటా దూరీనే
చ. 3:
కందువ రతికేళికి గడియ నేఁ బెట్టితేను
యిందరి నంటనీవంటా నింత సేసినే
అందపు శ్రీవెంకటేశుఁ డప్పటిఁ దన్నుఁగూడితె
పొందుల భ్రమించెనంటా పూఁచి నవ్వీనే
