ఈ పుట అచ్చుదిద్దబడ్డది
రేకు: 0239-1 హిందోళవసంతం సంపుటం: 08-229
పల్లవి:
ఆయనాయ నుండవయ్య అన్నియుఁగంటిమి నేము
చేయి చేతఁ బట్టియ్యఁగా సిగ్గువడవలదా
చ. 1:
నిగ్గుల నీవంటివారు నిజమాడి బతుకఁగా
కగ్గినవేళల నేము కల్లలాడేమా
బగ్గన నంటివి నీవు బమ్మచారి నంటాను
వెగ్గళించి పదారువేలు సతులుండఁగా
చ. 2:
పలుమారు నీవె యింత పంతము లాడుకోఁగా
కెలన నేమిఁక మరి కిందుపడేమా
పొలసి విఱ్ఱవీఁగేవు పరుభుఁత్తముఁడనంటా
వొలిసి లకిమమ్మ నీవురమెక్కివుండఁగా
చ. 3:
పైపై శ్రీవెంకటేశ పాదము నీవు చాఁచఁగా
యేపున మొక్కేవారమిప్పుడు నేమా
దాపుగ నన్నుఁగూడి ధర్మాలు బోధించేవు
రూపై యెత్తుకవచ్చిన రుకుమిణివుండఁగా