ఈ పుట అచ్చుదిద్దబడ్డది
రేకు: 0239-3 సామంతం సంపుటం: 08-231
పల్లవి:
మీలోనే కలిముదిరి మేడి దాయను
జాలిదీర నెటువలె సరసమాడేవే
చ. 1:
కప్పురమువంటి నవ్వు కారీని సెలవుల
గొప్పగొప్పకన్నులను కోపమేఁటికే
కుప్పె సవరపుపతిఁ గొప్పువట్టి తీసితివి
దెప్పరపు చేఁతెట్లాఁ దీరుచుకొనేవే
చ. 2:
వుట్టి తేనెవంటి మాటలూరీని పెదవుల
తిట్టులు నాలిక నెట్టు దీకొలిపేవే
పట్టి బంగారుపాదుక బలిమి మేననూఁడితి
యిట్టి పంతమాతనికి నెట్టుదిద్దేవే
చ. 3:
రీతి జిరుగువంటిది రేకలు నీమేన నివే
ఱాతిచన్నులనెట్టొత్తి ఱట్టుసేసేవే
యీతల శ్రీవెంకటేశు నెనసితి వింతలోనే
నీతితో యిప్పుడెట్లా నీవుమొక్కేవే
