ఈ పుట అచ్చుదిద్దబడ్డది
రేకు: 0237-6 దేసాళం సంపుటం: 08-222
పల్లవి:
చిఱుత నవ్వులేల సిగ్గులు వడఁగనేల
గుఱిఁ దలరాయి సేసుకొంద మిఁకలేవయ్యా
చ. 1:
చెప్పఁబోతేఁ బసలేవు చేసిన నీచేఁతలివి
యిప్పటి చీఁకటితప్పులివియేకాని
వుప్పటించి యాడకుండా వూరివారికెల్లాను
చప్పుడుజాగంటవేసి చాటుదములేవయ్యా
చ. 2:
నవ్వఁబోతేఁ బసలేదు నడవడి లోననెల్లా
పువ్వుల కురపిదానిఁ బొందుటేకాని
రవ్వ నిన్నుఁ జేయకుండా రచ్చలోని వారికెల్లా
అవ్వల లేకలువ్రాసి అంపుదము లేవయ్యా
చ. 3:
పట్టఁబోతేఁ బసలేదు పైపై నీనేరమి
వొట్టి చీరలుదీసిన దొక్క టేకాని
నెట్టన శ్రీ వెంకటేశ నీవు నన్నేలితివి నీ
చుట్టాలకు గురిసేసి చూపుదములేవయ్యా
