ఈ పుట అచ్చుదిద్దబడ్డది
రేకు: 0237-3 రామక్రియ సంపుటం: 08-219
పల్లవి:
ఏఁటికి విచారమిఁక నాకు
కూటములే నను గురిసేసీని
చ. 1:
యేపున నేనేమి నెఱఁగకుండినా
నీపయి తలఁపులు నేర్పీని
మాపుదాఁక మైమఱచివుండినా
దాపగు వలపులు తలపించీని
చ. 2:
అసురుసురయి నేనటు కనుచొక్కిన
కొసరి కలలు మేల్కొలిపీని
ముసరుసిగ్గులె మోనాననుండిన
పస నీపదములె పాడించీని
చ. 3:
అలమితి రతి నేనలసినాను నీ
తెలిమోవి దప్పిదేర్చీని
యెలిమిని శ్రీవెంకటేశ నాకడమ
గలిగినా నీదయగాచీ నన్నును