ఈ పుట అచ్చుదిద్దబడ్డది
రేకు: 0237-2 ముఖారి సంపుటం: 08-218
పల్లవి:
కప్పురవిడెమియ్యఁగాఁ గాదనరాదు
తప్పులేదు నీయందు తగిలితి నిన్నును
చ. 1:
చెచ్చెర నీవు చేసినచేఁతలు వింటి నీవిందు
వచ్చెనని చెప్పగా వద్దనరాదు
యిచ్చకములాడేవారి నిటు రమ్మందురుగాన
విచ్చేయుమా యింటికిట్టె వింటిమి నీమాఁటలు
చ. 2:
చెంగట నీసతిఁగంటి సిగ్గువడి అంతలో నా
కొంగువట్టగా నిన్నుఁ గోపించరాదు
ముంగిట వేఁడుకొంటేను మొగమోడుదురుగాన
అంగవించె రావయ్య అలుకలు దేరెను
చ. 3:
యెంచుకొంటి నీగుణాలు యిందరఁజూడఁగా నా
కంచముపొత్తుకు రాఁగాఁ గాదనరాదు
అంచెల శ్రీవెంకటేశ అట్టె నన్నేలితిగాన
యించుకించుకె నవ్వెను యియ్యకొంటిసుద్దులు