ఈ పుట అచ్చుదిద్దబడ్డది
రేకు: 0236-4 రీతిగౌళ సంపుటం: 08-214
పల్లవి:
కతలు పూవకపూచె కావకకాచె
రతుల మెప్పించేఁగాని రారాదా లోనికి
చ. 1:
చింతలేదు వింతలేదు చెక్కుచేతితో నేను
పొంత నీరూప తలపోసేనదే
మంతనాన నీవేల మాటలనే తనిసేవు
రంతులుసేయక యింక రారాదా లోనికి
చ. 2:
వాడాలేదు పీడాలేదు వచ్చేవంటా నీరాకకు
తోడనే యెదురుచూచే తొలఁగకిదే
యేడగా నాకు నిట్టె యిచ్చకాలాడేవు నీ
రాడువచ్చి ముంతచొచ్చె రారాదా లోనికి
చ. 3:
యీసులేదు రేసులేదు యిపుడునీవుగూడఁగా
ఆసల నలపుదేరే నన్నిటానిదే
సేసవెట్టేదెందాఁకా శ్రీ వెంకటేశ నీవు
రాసికెక్కితివిన్నిటా రారాదా లోనికి