ఈ పుట అచ్చుదిద్దబడ్డది
రేకు: 0235-5 సామంతం సంపుటం: 08-209
పల్లవి:
అట్టె కానీవయ్య నేము నట్లానె సేసేము
గట్టియైన సతులకుగాని నీవు లోఁగవు
చ. 1:
కామించి నీవాకిలి గాచుక నేనుండఁగాను
నామొగము చూచి నీకు నగవురాదా
వేమరుఁ బంతములాడి వెసఁ బసులఁ గాపించే
గామిడి గొల్లెతలకుఁగాని నీవు లోఁగవు
చ. 2:
యేపొద్దును నీరూపే యెగదిగఁజూడఁగాను
నాపొంతనేవుండి నీకు నగవురాదా
చేపట్టి మానాలుచూడ చెట్టెక్కించి వేళలు
కాపించే గొల్లెతలకుఁగాని నీవులోఁగవు
చ. 3:
యెనసి నీకాఁగిటిలో యేపొద్దూ నేనుండఁగాను
ననుఫైతే నీకింతేసి నగవురాదా
మును శ్రీవెంకటేశ యమునలోనాటలాడించే
ఘనమై గొల్లెతలకుఁగాని నీవు లోఁగవు
