ఈ పుట అచ్చుదిద్దబడ్డది
రేకు: 0235-4 కాంబోది సంపుటం: 08-208
పల్లవి:
పుట్టుభోగిజవరాలు పొలిఁతి యిది
పట్టెమంచముమీఁదటఁ బవళించేదేవుడు
చ. 1:
కందువ నీకిందాఁకా గతులు చెప్పనేపట్టె
యెందాఁకా వేగించు నింతి నీతోను
అందముగ నిలుచుండి ఆకుమడిచియ్యఁబట్టె
కుందణపు గద్దెమీఁదఁ గూచుండేదేవుడు
చ. 2:
వూడిగాలుసేసి నీవొద్దనుండనేపట్టె
యేడగాఁ గొలువుసేసు నెదుట నీకు
పాడితోఁ బందెమువేసి పగడసాలాడఁబట్టె
ఆడనే పరపుమీఁద నలపారే దెపుడు
చ. 3:
గక్కన నీవు గూడఁగా కన్నుల జంక్కించఁబట్టె
యెక్కడగా సన్నసేసు నింతేసి నీకు
చక్కని శ్రీవెంకటేశ సమ్మతించుకొనఁబట్టె
వొక్క మలగుపై నొరగుండి నవ్వేదెపుడు
