ఈ పుట అచ్చుదిద్దబడ్డది
రేకు: 0232-2 ముఖారి సంపుటం: 08-188
పల్లవి:
ఇందుకుఁగాఁ బ్రతివాదాలేలే విభుఁనితోడ
పందెమువలె గెలుపు పైపైనేవుండును
చ. 1:
మచ్చికసేసీ నతఁడు మారుమాటాడకువే
కుచ్చిపట్టి కాఁగిలించికూడె నిన్నును
వచ్చిరాని పందెమువంటిదే యీవలపెల్లా
కొచ్చి లోలోఁ దలఁపంచుకొంటాఁ దానుండును
చ. 2:
చెక్కులునొక్కీ నతఁడు చెమరించీ తిట్టకువే
పక్కున నిట్టేకాఁగిటఁబట్టీ నిన్నును
చక్కెరబొమ్మవంటిది చవిగొంటే నీవలపు
యెక్కడఁ జిక్కించుకొన్నా నింతాఁ దీపైవుండును
చ. 3:
యేలెను శ్రీవెంకటేశుఁ డెగ్గులేమీ నెంచకువే
లాలించె రతులఁ బెక్కులాగుల నిన్ను
పాలజలధివంటిది పచరించిన వలపు
వేళ నెంతవాడినాను వెలితిగాకుండును