ఈ పుట అచ్చుదిద్దబడ్డది
రేకు: 0232-1 సాళంగనాట సంపుటం: 08-187
పల్లవి:
ఇన్నాళ్ళు నెరఁగమైతి మిదివో తాను
పన్నుక వూరక వొడఁబరచీఁ దాను
చ. 1:
తలఁపే తెలిసితేను తాఁదానే కదవే
నలువంక నూరకే నవ్వీఁ దాను
వెలియల్లాఁ జూచితేను వెల్లవిరి గదవే
పిలిచి నాతో నానపెట్టుకొనీఁ దాను
చ. 2:
అడుగఁబోతే సుద్దులు అంతా మేలేకదవే
కొడిమె లెంచేనంటేఁ గొంకీఁ దాను
చిడుముడి మొక్కి తేను సిగ్గురేఁగీఁ గదవే
బడిబడి మీఁదటికి బాసచేసీఁ దాను
చ. 3:
కన్నుల నేఁ జూచితేనే గట్టియాయ గదవే
యిన్నిటా శ్రీవెంకటేశుఁ డెనసెఁ దాను
విన్న వినికెల్లా నేఁడు వేడుకలే కదవే
మన్ననలు నాకిచ్చి మచ్చికాయఁ దాను
