ఈ పుట అచ్చుదిద్దబడ్డది
రేకు: 0232-3 రామక్రియ సంపుటం: 08-189
పల్లవి:
ఏమనునో దగ్గరఁబో యీవేళ నేఁ జెనకితే
కామించి కామాంధకారాననున్నాఁడు
చ. 1:
నవ్వు నవ్వునోప నానాలికాఁడు రమణుఁడు
అవ్వల నేమనునో యనీకాక
దివ్వెత్తుఁ బొద్దుదాఁకా తిరిగివచ్చి యింటిలో
వువ్విళ్ళూరుచు నసురుసురై వున్నాఁడు
చ. 2:
పంతమాడనేర నాపల్లటీఁడు నాయకుఁడు
అంతరంగము దెలిసె ననీకాక
బంతుల చుట్టాలకెల్లా పనులెల్లా జేసివచ్చి
అంతటఁ బానుపుమీఁద నలసివున్నాఁడు
చ. 3:
కమ్మి చూడనోప నాగబ్బిశ్రీవెంకటేశుఁడు
అమ్మలాల నన్నుఁ గూడె ననీకాక
సమ్మతించి సతులతో సాములుసేసివచ్చి
కుమ్మరింపు సిగ్గులతో గుట్టుననున్నాఁడు
