ఈ పుట అచ్చుదిద్దబడ్డది
రేకు: 0228-4 భూపాళం సంపుటం: 08-166
పల్లవి:
చవులుసేక నీవు సారెసారెకు
అవరములతోడ నారగించవయ్యా
చ. 1:
మాటలమూటల చద్ది మనసులో చిలుపాలు
యేఁటిసేసి విందువెట్టి నింతి నీకును
పాటలపంచదారలు పచ్చిమోవితేనెలు నీ
యాటలాయ నేఁడిట్టే ఆరగించవయ్యా
చ. 2:
జంకెనల కారాలు చవుల సాకములు
లంకెల విందులు వెట్టీ లలన నీరు
పొంకపుఁ జూపులంబళ్ళు పొరినవ్వుల పచ్చళ్ళు
అంకెలాయ నేఁడిట్టే ఆరగించవయ్యా
చ. 3:
కరజపు వినయాలు కాఁగిటి రతిబువ్వాలు
సిరులతో విందువెట్టీ శ్రీ సతి నీకు
గరిమ శ్రీ వెంకటేశ కలసితి రిద్దరును
అరుదాయ నేఁడిట్టే ఆరగించవయ్యా