ఈ పుట అచ్చుదిద్దబడ్డది
రేకు: 0228-3 భైరవి సంపుటం: 08-165
పల్లవి:
కానవచ్చీ నన్నియును గలసుద్దులపుడు
నీ నేరుపులేర్పడీ లోనికి నేఁగరాదా
చ. 1:
చలము నీతోనేల సారె సారెనాపెకు
పలుకు బెంబడినే పచ్చిసేసీని
అలవోకమాటలా పెనాడితివి దానికేమి
నెలవుల రతికి లోనికి నేఁగరావా
చ. 2:
కోపగించ నీతోనేల కొసరుచునాపెకు
తీపుల బెంబడినే దిమ్మురేఁచీని
చూపులనే రాజము చూపితివందుకేమి
నీపనులు దెలిసి లోనికి నేఁగరాదా
చ. 3:
విచ్చిచెప్ప నీతోనేల వేరేవేరే యాపెకు
మెచ్చుల కాఁగిటిలోనే మెప్పించీని
కొచ్చి శ్రీ వేంకటేశుఁడ కూడితివి అందుకేమి
నిచ్చఁబెండ్లాయను లోనికి నేఁగరాదా