ఈ పుట అచ్చుదిద్దబడ్డది
రేకు: 0228-2 దేసాళం సంపుటం: 08-164
పల్లవి:
నీకు బాఁతే చెలులము నీగుణ మిట్టిది గాక
యీకొలఁది నీభావాలేమని నుతింతును
చ. 1:
చెప్పినట్టే చేసేవు చేరి నేనెంత నీ వెంత
అప్పసము నీ వలుపేమని నుతింతు
చిప్పిలఁ గొంగు వట్టితే చేతికి లోనై వచ్చేవు
యెప్పుడూ నీ కృపారసమేమని నుతింతును
చ. 2:
అడినట్టే ఆడేవు ఆతుమ నన్నుఁ జేసుక
ఆడిన నీ సౌలభుఁమేమని నుతింతు
వీడెము చేతికిచ్చితే వేడుక నందుకొనేవు
యీడ నీ మంచితనము యేమని నుతింతును
చ. 3:
కోరినట్టెల్లాఁ గూడేవు కొసరుకు గొసరెల్లా మాని
ఆరీతిఁ జుట్టరికమేమని నుతింతు
సారపు శ్రీవెంకటేశ చనవిచ్చి కలసితి
యేరా నీ రతికేలి నేమని నుతింతును